STAÐURINN FUNDINN!

Ákveðið hefur verið að reunion Austó verði haldið í Hressingarskálanum við Austurstræti (Hressó). Samkvæmið mun standa frá 20:00 og fram eftir kvöldi/nóttu, laugardaginn 1. nóvember, en við verðum með salinn til miðnættis, en að sjálfsögðu getur fólk verið lengur eða farið eitthvað annað saman eftir á ef það vill.

Til þess að fá salinn þurfti að kaupa bjórkút en við ákváðum að 1 kútur myndi vera nóg til þess að halda kostnaði í lágmarki, auk þess sem ekki allir drekka (svo viljum við ekki að fólk drekki frá sér allt vit :). Kostnaðurinn miðað við stöðuna núna er vel undir 1000 kr á mann mv. 40 manna mætingu en það myndi ekki teljast mikill peningur fyrir leigu á sal með bjór. Gos er ekki innifalið en það verður hægt að kaupa það við barinn á sanngjörnu verði gegn því að sýna þar-til-gerðan stimpil.

Svo þegar allir eru búnir að staðfesta þátttöku við mig þá vitum við hvað verðið verður sirka á mann og þá verður það auglýst hér á síðunni. Það verður þá væntanlega reikningur sem fólk leggur einfaldlega inná.

Hvernig er það er fólki ekkert farið að hlakka til?

Kveðja,

Illugi

LOKSINS REUNION!!!

Sæl veriði og langt síðan síðast!

Nú er loksins komið að því; reunion eða endurfundir útskriftarárgangs Austó 1998. Ég og Svanhvít höfum tekið það að okkur að skipuleggja viðburðinn og óskum eftir verkfúsum höndum. Skipulagningin er enn á byrjunarstigi en við ákváðum að laugardagurinn 1. nóvember hentaði ágætlega, þó hefur enn ekki verið ákveðið hvar á að halda þetta reunion. Því óskum við eftir athugasemdum og innleggi inn á þetta blogg um hvað er hægt að gera skemmtilegt og hvar er hægt að halda viðburðinn.

Einnig getið þið sent mér ([e-mail]) eða Svanhvíti ([e-mail]) tölvupóst og addað okkur á facebook ef þið eruð með það (með því að nota sömu netföng). Vinsamlegast staðfestið einnig við okkur þátttöku á póstfangið mitt eða inn á þessu bloggi. Loks ef þið eigið einhverjar skemmtilegar myndir úr Austó þá megið þið senda á Svanhvíti...

Hlakka til þess að heyra ykkar álit.

Kveðja,Illugi